تغيير شاشة اللابتوب: كل اللي محتاج تعرفه قبل الصيانة

الشاشة المكسورة أو اللي فيها خطوط من أكتر أعطال اللابتوب انتشارًا. وقبل ما تغيّرها، فيه كام حاجة لازم تعرفها توفّر عليك فلوس.

هل العيب فعلًا من الشاشة؟

مش كل مشكلة في الصورة سببها الشاشة. جرّب الاختبار ده:

وصّل اللابتوب بشاشة خارجية أو تلفزيون بكابل HDMI.

الصورة طلعت سليمة على الشاشة الخارجية؟ غالبًا العيب في شاشة اللابتوب أو الفلات (الكابل اللي بيوصّلها).
الصورة فيها نفس المشكلة على الشاشة الخارجية؟ يبقى العيب أعمق، غالبًا في كارت الشاشة أو المازربورد. وتغيير الشاشة مش هيحل حاجة.

كسر واضح، أو بقع حبر سودا بتكبر.
خطوط ثابتة، طولية أو عرضية، بتفضل موجودة حتى في البيوس.
الشاشة مضلمة خالص، والصورة باينة بالعافية لو نوّرت عليها بكشاف. ده ممكن يكون عيب في الإضاءة الخلفية، وساعات بيتحل بالصيانة من غير تغيير الشاشة.

النوع	الفرق
HD (1366×768)	الأوفر، والصورة أقل وضوح
Full HD (1920×1080)	الأوضح والأشهر حاليًا
IPS أو TN	IPS ألوانها أحسن وزوايا الرؤية فيها أوسع
تاتش	أغلى، ولازم تتغيّر بنفس النوع
عدد البنات (30 أو 40 Pin)	لازم يطابق الفلات بتاع جهازك

ميزة إضافية: في موديلات كتير، ممكن نغيّر شاشة HD بشاشة Full HD لو الجهاز بيدعمها.

مقاس الشاشة: 12.5، أو 14، أو 15.6 بوصة.
النوع والدقة: HD أو FHD، وIPS، وتاتش.
التوفر: شاشات بعض الموديلات أندر من غيرها.
التصميم: في بعض الأجهزة الشاشة ملزوقة أو جزء من غطا كامل، وده بيزوّد التكلفة.

ابعتلنا موديل اللابتوب، ودي أسهل طريقة. هتلاقيه مكتوب على ستيكر تحت الجهاز، زي HP ProBook 650 G2 أو Dell Latitude 5490.

ابعت موديل جهازك وصورة للشاشة على واتساب، ونرد عليك بالسعر.

اسألنا على واتساب، والرد بيكون سريع.